pralayam.com

శ్రీలంక వేదికగా ముక్కోణపు టీ20 సిరీస్‌కి అన్ని ఏర్పాట్లు పూర్తయ్యాయి. ఈరోజు రాత్రి 7 గంటలకి భారత్, ఆతిథ్య శ్రీలంక మధ్య తొలి మ్యాచ్‌తో ఈ టోర్నీకి తెరలేవనుంది. భారత్‌తో పాటు శ్రీలంక, బంగ్లాదేశ్ జట్లు పోటీపడుతున్న ఈ ముక్కోణపు టీ20 టోర్నీలో.. ప్రతి జట్టూ.. ఒక్కో జట్టుతో రెండేసి మ్యాచ్‌లు ఆడుతుంది. చివరికి పాయింట్ల పట్టికలో తొలి రెండు స్థానాల్లో నిలిచిన జట్లు మార్చి 18న ఫైనల్లో తలపడతాయి.

శ్రీలంకలో దాదాపు రెండు దశాబ్దాల తర్వాత ఈ ముక్కోణపు సిరీస్ జరగనుండటంతో శ్రీలంక క్రికెట్ బోర్డు ప్రత్యేక ఏర్పాట్లు చేస్తోంది. టోర్నీ మొత్తం టాస్ కోసం బంగారు పూత కాయిన్‌ని వినియోగించనున్నట్లు బోర్డు అధ్యక్షుడు తిలంగ సుమతిపాల వెల్లడించారు. ఇప్పటికే భారత్, శ్రీలంక మధ్య తొలి మ్యాచ్‌కి టికెట్లు అమ్ముడుపోయాయని వివరించిన ఆయన చిత్రంగా టోర్నీలో మూడు జట్లకీ తాత్కాలిక కెప్టెన్లే నాయకత్వం వహిస్తున్నారన్నారు. విరాట్ కోహ్లి‌కి విశ్రాంతినిచ్చిన భారత సెలక్టర్లు.. రోహిత్ శర్మకి పగ్గాలు అప్పగించగా.. శ్రీలంక జట్టుకి దినేశ్ చండిమాల్, బంగ్లాదేశ్‌కి మహ్మదుల్లా నాయకత్వం వహిస్తున్నారు.

LEAVE A REPLY

Please enter your comment!
Please enter your name here