latest telugu news updates

ఐపీఎల్ 2018 టైటిల్ గెలవడం అంత సులువు కాదని సన్‌రైజర్స్ హైదరాబాద్ ఫాస్ట్ బౌలర్ భువనేశ్వర్ కుమార్ అభిప్రాయపడ్డాడు. గత మూడు సీజన్లలో రెండు సార్లు టోర్నీ టాప్ స్కోరర్‌గా నిలిచిన హైదరాబాద్ ఓపెనర్ డేవిడ్ వార్నర్‌పై బాల్ టాంపరింగ్ వివాదంతో క్రికెట్ ఆస్ట్రేలియా (సీఏ) ఏడాది నిషేధం వేటు వేయడంతో.. అతను ఐపీఎల్‌కి దూరమైన విషయం తెలిసిందే. దీంతో.. అతని స్థానంలో సన్‌రైజర్స్ జట్టులోకి ఇంగ్లాండ్ ఓపెనర్ అలెక్స్‌ హేల్స్‌ని ఫ్రాంఛైజీ తీసుకుంది. శనివారం నుంచి ఐపీఎల్ 11వ సీజన్ ప్రారంభంకానుండగా.. సోమవారం రాజస్థాన్ రాయల్స్ జట్టుతో హైదరాబాద్ తన తొలి మ్యాచ్‌లో ఢీకొట్టనుంది.

‘సన్‌రైజర్స్ హైదరాబాద్ జట్టు లక్ష్యం టైటిల్ గెలవడం. కానీ.. ఈ ఏడాది టైటిల్ అంత సులువుగా దక్కేలా లేదు. ఎందుకంటే.. టోర్నీలోని ఎనిమిది జట్లూ బలంగా కనిపిస్తున్నాయి. కాబట్టి.. టోర్నీ ముగిసే వరకూ అప్రమత్తంగా అడుగులు వేయాలి. ముఖ్యంగా.. చిన్న చిన్న విషయాలపై కూడా ఎక్కువ దృష్టి సారించాలి. అవే.. జట్టుని ఛాంపియన్‌గా నిలపగలవు’ అని భువనేశ్వర్ కుమార్ వెల్లడించాడు. 2016 సీజన్‌లో టైటిల్ విజేతగా నిలిచిన సన్‌రైజర్స్ హైదరాబాద్.. గత ఏడాది ప్లేఆఫ్‌ నుంచే ఇంటిముఖం పట్టిన విషయం తెలిసిందే.

latest telugu news updates for click here

LEAVE A REPLY

Please enter your comment!
Please enter your name here